Արցախցի ձեռներեց կանայք հանուն Արցախի իրականացրեցին ցուցահանդես֊վաճառք
Աննա Անտոնյան Փետրվար 26, 2023
Փետրվարի 26-ին՝ ժամը 10։00-ից Եվրասիա միջազգային համալսարանում կին ձեռներեցները իրականացրեցին «Արցախը մեր սրտում» խորագիրը կրող ցուցահանդեսի֊վաճառք։
Բարեգործական ցուցահանդես-վաճառքի նպատակն էր հարթակ տրամադրել տեղահանված և Հայաստանում ապրող արցախցի կին ձեռներեցներին` իրենց աշխատանքները ներկայացնելու հանրությանը, իսկ վաճառքից ստացված հասույթով գնել փայտի վառարաններ՝ տեղահանված ընտանիքների համար։
Արցախի և Հայաստանի տարբեր համայնքների 75 կին ձեռներեցներ ցուցահանդեսի այցելուներին ներկայացրեցին իրենց ձեռքի աշխատանքները ձեռագործ տիկնիկներից ,մինչև անուշեղեն , համեղ ուտեստներ, թեյեր, չրի կապոցներ, մազակալներ, անմահական Հաթերքի մեղրը և տարատեսակ արտադրատեսակներ։
Ցուցահանդես֊վաճառքի կազմակերպման գործում մեծ ավանդ ուներ նաև Եվրասիական համալսարանը , որտեղ լրիվ անվճար իրականացվեց ցուցահանդեսը ։
Արմինե Մելքոնյան