ԶԼՄ. Բորելը Լիբանան կատարած այցի ընթացքում հանդիպել է «Հեզբոլլահի» բարձրաստիճան ներկայացուցչի հետ
Աննա Անտոնյան
Հունվար 07, 2024
ԵՄ դիվանագիտության ղեկավար Ժոզեպ Բորելը հունվարի 6-ին Բեյրութում հանդիպել է լիբանանյան «Հեզբոլլահ» շարժման ներկայացուցչի հետ՝ Իսրայելի և ՀԱՄԱՍ-ի միջև պատերազմին Լիբանանի ներքաշումը կանխելու նպատակով:
Ժոզեպ Բորելը բանակցություններ է վարել «Հեզբոլլահ» շարժման խորհրդարանական դաշինքի ղեկավար Մոհամմադ Ռաադի հետ, հաղորդում են լիբանանյան լրատվամիջոցները։
ԵՄ աղբյուրը հաստատել է հանդիպումը, հայտնում է Euroactiv-ը։
«ԵՄ-ն դիվանագիտական երկխոսության մեջ է բոլոր համապատասխան քաղաքական ներկայացուցիչների հետ, որոնք ազդեցություն կամ շահագրգռվածություն ունեն տեղում տիրող իրավիճակի վրա», - ասել է աղբյուրը։
Լիբանանի արտգործնախարարի հետ համատեղ մամուլի ասուլիսում Բորելն ասել է. «Անհրաժեշտ է խուսափել Լիբանանի տարածաշրջանային հակամարտության մեջ ներքաշվելուց: «Ես այս ուղերձն եմ ուղարկում Իսրայելին. ոչ ոք չի շահի տարածաշրջանային հակամարտությունից»:
Հիշեցնենք, որ Բեյրութում ՀԱՄԱՍ-ի գրասենյակի վրա անօդաչու թռչող սարքի հարձակման հետևանքով զոհվել է չորս մարդ, այդ թվում՝ ՀԱՄԱՍ-ի քաղաքական բյուրոյի փոխղեկավար Սալեհ ալ-Արուրին։ Հաղորդվել է նաև Լիբանանում ՀԱՄԱՍ-ի բարձրաստիճան պաշտոնյա Ուսամա Համդանի սպանության մասին:
Կիսվել