Զելենսկին հայտարարել է, որ հնարավոր է փրկել ԱՄՆ-ի հետ հարաբերությունները
Աննա Անտոնյան Մարտ 03, 2025
Ուկրաինայի նախագահ Վլադիմիր Զելենսկին հայտարարել է, որ հավատում է՝ հնարավոր է փրկել ԱՄՆ-ի հետ հարաբերությունները՝ չնայած Թրամփի հետ Օվալաձև գրասենյակում տեղի ունեցած լարված հանդիպմանը: Նա ընդգծել է, որ նման քննարկումները պետք է անցնեն փակ դռների հետևում։
Զելենսկին կրկնել է, որ Ուկրաինան երբեք չի զիջի իր տարածքները՝ խաղաղության դիմաց, և կարևորել է ԱՄՆ-ի հետ օգտակար հանածոների վերաբերյալ պայմանագրի ստորագրումը։ Նա շեշտել է, որ Ուկրաինան ապավինում է ԱՄՆ-ին՝ որպես իր գլխավոր ռազմական աջակից։
Լոնդոնում եվրոպացի առաջնորդների հետ հանդիպումից հետո Զելենսկին հայտնել է, որ Եվրոպան պատրաստում է Ուկրաինայի խաղաղության պլան, որը կներկայացվի ԱՄՆ-ին՝ հուսալով ստանալ անվտանգության երաշխիքներ։ Միաժամանակ, նա նշել է, որ պատրաստ է ցանկացած զարգացման, բայց հույս ունի, որ ԱՄՆ-ը, որպես «քաղաքակիրթ աշխարհի առաջնորդ», չի կանգնի Պուտինի կողքին։
Հակառակ որոշ ամերիկացի քաղաքական գործիչների՝ Զելենսկին ընդգծել է, որ հրաժարականի մասին խոսք լինել չի կարող։ Նա վստահեցրել է, որ իր առաքելությունը կավարտի միայն այն դեպքում, երբ Ուկրաինան դառնա ՆԱՏՕ-ի անդամ։