«Զանգեզուրի միջանցքի» շուրջ ստեղծված իրավիճակը Հայաստանի և Ադրբեջանի ինքնիշխան հարցն է. Կրեմլ
Աննա Անտոնյան Հուլիս 24, 2025
«Զանգեզուրի միջանցքի» շուրջ ստեղծված իրավիճակը Հայաստանի և Ադրբեջանի ինքնիշխան հարցն է, Ռուսաստանը կողմ է երկրների միջև շուտափույթ խաղաղության հաստատմանը:
Այս մասին ասել է ՌԴ նախագահի մամուլի քարտուղար Դմիտրի Պեսկովը:
«Ռուսաստանն ամեն կերպ աջակցում է Հայաստանի և Ադրբեջանի բանակցություններին», - նշել է նա ու հավելել, որ Ռուսաստանը պատրաստ է անհրաժեշտության դեպքում օգնել Հայաստանին և Ադրբեջանին խաղաղության համաձայնագրի հասնելու հարցում:
«Մենք ամեն կերպ աջակցում ենք Ադրբեջանի և Հայաստանի միջև բանակցություններին, ցանկանում ենք, որ Բաքուն և Երևանը հնարավորինս շուտ ստորագրեն համաձայնագիրը։ Մենք կպահպանենք մեր պատրաստակամությունը՝ անհրաժեշտության դեպքում ցանկացած օգնություն ցուցաբերելու այս գործընթացին», - ասել է Պեսկովը լրագրողների հետ զրույցում: