Վենեսուելայի ընդդիմադիր գործիչ Գուայդոյին վտարել են Կոլումբիայից
Աննա Անտոնյան Ապրիլ 25, 2023
Վենեսուելայի ընդդիմադիր գործիչ Խուան Գուայդոն, որն ավելի քան չորս տարի առաջ անօրինական կերպով հռչակվել էր պետության ժամանակավոր ղեկավար, հայտարարել է, որ իրեն վտարել են Կոլումբիայից եւ այժմ նա ուղեւորվում է ԱՄՆ։
«Ինձ վտարել են Կոլումբիայից։ Բռնապետական ռեժիմի հետապնդումն այսօր, ցավոք, տարածվել է Կոլումբիայում… Ես կոմերցիոն չվերթով թռչում եմ ԱՄՆ՝ ընտանիքիս, աղջիկներիս հասցեին սպառնալիքների պատճառով», - Twitter-ի իր էջում հրապարակված տեսանյութում ասում է ընդդիմադիրը։
Նա նշել է, որ միեւնույն է շարունակելու է պայքարել Նիկոլաս Մադուրոյի կառավարության դեմ։
Ավելի վաղ Գուայդոն ասել էր, որ հեռացել է Վենեսուելայից՝ ոտքով անցնելով Կոլումբիա՝ վախենալով պետության կողմից մեղադրանքներից։ Նա նաեւ հայտարարել է ապրիլի 25-ին կայանալիք գագաթաժողովին Կոլումբիա ժամանած միջազգային պատվիրակությունների հետ հանդիպելու մտադրության մասին՝ չհստակեցնելով, թե արդյոք մտադիր է վերադառնալ Վենեսուելա։ Կոլումբիայի կառավարությունը, ի պատասխան Գուայդոյի հայտարարության, ասել է, որ Վենեսուելայի հարցով համաժողովին կմասնակցեն միայն երկխոսության հրավիրված երկրները։