Թուրքիան հայերի հետ հարաբերությունների կարգավորումը կքննարկի Ադրբեջանի հետ
Աննա Անտոնյան Սեպտեմբեր 27, 2021
Թուրքիան դրական է ընկալում հարաբերությունների կարգավորման վերաբերյալ Հայաստանի հայտարարությունները, սակայն դրա համար դեռ հստակ ծրագիր չկա, ասել է Թուրքիայի ԱԳՆ ղեկավար Մևլութ Չավուշօղլուն, փոխանցում է «ՌԻԱ Նովոստի»-ն:
«Դեռ ծրագիր չկա: Փաշինյանը հանդես եկավ հայտարարություններով, մենք դրանք դրական ընդունեցինք: Ադրբեջանը Հայաստանին հաշտության պայմանագրի առաջարկ արեց: Մինչ այժմ Հայաստանից ոչ մի դրական պատասխան չի ստացվել: Բայց մենք ցանկացած քայլ կքննարկենք Ադրբեջանի հետ և որոշումները կընդունենք համատեղ», – ասել է Չավուշօղլուն Ադրբեջանի արտգործնախարար Ջեյհուն Բայրամովի հետ համատեղ ասուլիսում:
Բայրամովը այցով գտնվում է Թուրքիայում։