Ծովագյուղի բնակիչները փակել են ճանապարհը և պահանջում են ժամանակին իրենց խոստումներով խաբած Գնել Սանոսյանի հետ հանդիպում

Աննա Անտոնյան Մարտ 23, 2022

Պարտված Նիկոլի մարզային արկածները հագուրդ տալու համար  ընտրությունների ընթացքում սուտ խոստումներով ժողովրդի ուղեղը լցնում էին մարզպետները։ 

Ամեն համայնքում հսկայական փոփոխություններ խոստանալով, մեծ շրջապատ ունեցող անհատներին հողատարածքի հարց լուծելով , ոմանց ինչ֊որ գործի տեղավորելով,  սոցիալական անապահով ընտանիքներին մարզպետարանի ու համայնքային բյուջեից օգնություն տրամադրելով ձևավորվում էր ընտրազանգվածը ։

Իսկ ահա Գեղարքունիքի մարզի Ծովագյուղ համայնքին նախկին մարզպետ Գնել Սանոսյանը հստակ խոստացել էր , որ ընտրություններից հետո ամեն ինչ կանի ,որ Ծովագյուղը չընդգրկվի խոշորացված համայնքների շարքում։ 

Բայց արի ու տես Գնել Սանոսյանը մարզպետից նախարար անցման ժամանակ մոռացավ  անցմանը նպաստած խոստումների շղթան ։

Մոռացավ ,,,, կամ իրականում մարզում իրեն կինոյի տղա երևակայած Գնել Սանոսյանին իրականում չեն լրջացնում սեփական թիմում ,և դրանից այդպես չլուծված մնաց խոստումների շղթան։

Այսօր վաղ առավոտից Դիլիջան֊Սևան ավտոճանապարհը փակ է մեքենաների համար։ Ծովագյուղի բնակիչները փակել են ճանապարհը և պահանջում են ժամանակին իրենց խոստումներով խաբած Գնել Սանոսյանի հետ հանդիպում։ 

Բնակիչներին ոչ միայն Գնել Սանոսյանը չի մոտեցել այլև մարզային որևէ այր ։

Գյուղացիների հետ զրույցի ժամանակ տեղեկացանք , որ ճանապարհը պատրաստվում են փակել այնքան ժամանակ մինչև իրենց բարձրացրած հարցը լուծում ստանա։

Կիսվել