Տոյվո Կլաարը Հայաստանում բանակցություններից հետո մեկնել է Ստամբուլ
Աննա Անտոնյան Դեկտեմբեր 09, 2022
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը թվիթերյան իր էջում լուսանկար է հրապարակել ՀՀ ԱԳ նախարար Արարատ Միրզոյանի հետ հանդիպումից և ամփոփել ՀՀ կատարած այցը։
«Կարճ այց ունեցա, բայց բովանդակալից հանդիպումներ եղան ՀՀ վարչապետ Նիկոլ Փաշինյանի, փոխվարչապետ Մհեր Գրիգորյանի և ՀՀ ԱԳ նախարար Արարատ Միրզոյանի հետ»,–գրել է Կլաարը։
Նա հայտնել է, որ այժմ ուղևորվում է Թուրքիա։
Հիշեցնենք, որ մինչ Հայաստան գալը Կլաարն այցելել էր Ադրբեջան։ ԵՄ հատուկ ներկայացուցիչը Երևանում էր դեկտեմբերի 8-ին։