Բաքվի Շեհիդների ծառուղում ես հարգանքի տուրք մատուցեցի Ադրբեջանի դեմ խորհրդային ագրեսիայի զոհերի հիշատակին. Շառլ Միշել
Աննա Անտոնյան Հուլիս 19, 2021
Եվրախորհդի նախագահ Շառլ Միշելն այսօր ժամանել է Ադրբեջան: Ինչպես փոխանցում են ադրբեջանական լրատվամիջոցները, եվրոպացի գործչին ընդունել է երկրի նախագահ Իլհամ Ալիևը:
Կողմերն արդեն զրույց են ունեցել աշխատանքային ճաշի սեղանի շուրջ, այնուհետև համատեղ լուսանկար են արել:
Կայուն, անվտանգ եւ բարգավաճ Հարավային Կովկասը՝ ԵՄ-ի շահերից է բխում: Այս մասին Twitter-ում գրել է Եվրամիության խորհրդի նախագահ Շառլ Միշելը:
«Բաքվի Շեհիդների ծառուղում ես հարգանքի տուրք մատուցեցի Ադրբեջանի դեմ խորհրդային ագրեսիայի զոհերի հիշատակին:
Հարավային Կովկասի անվտանգ, կայուն եւ բարգավաճող տարածաշրջանը համապատասխանում է Եվրոպական միության շահերին եւ հանդիսանում է մեր Արեւելյան գործընկերության անքակտելի մասը:
Ադրբեջանը նշում է իր անկախության 30-ամյակը», — նշել է Միշելը։