Սահմանում երկու կողմն էլ ամրապնդում է դիրքերը. Մարկուս Ռիտեր
Աննա Անտոնյան Փետրվար 19, 2025
Հայաստանում ԵՄ դիտորդական առաքելության ղեկավարը փաստել է, որ 2023 թվականի փետրվարի 23-ից հետո, երբ առաքելությունը տեղակայվել է հայ-ադբեջանական սահմանի եւ հսկողության գծի երկայնքով, միջադեպերի թիվն զգալիորեն նվազել ։
Մարկուս Ռիտերը նշել է, որ Եվրամիությունն առաքելությունը դիտարկում է որպես Հարավային Կովկասում կայունությանը նպաստող գործիք։
«Մենք բացահայտ պարեկություն ենք իրականացնում սահմանի և հսկողության գծի երկայնքով։ Երբ մենք հայտնվում ենք սահմանի ինչ-որ տեղում, միշտ մնում ենք այնպիսի դիրքում, որ երկու կողմերն էլ տեսնեն, որ մենք այնտեղ ենք։ Դա նշանակում է, որ մենք ոչ միայն նայում ենք, թե ինչ է անում ադրբեջանական կողմը, մենք նաև հետևում ենք, թե ինչ է անում հայկական կողմը, քանի որ Բրյուսելը ցանկանում է իմանալ մեզնից՝ ինչպես է իրավիճակը սահմանին», - ասել է նա։
Մարկուս Ռիտերը նշել է, որ թեեւ իրավիճակը բավականին հանգիստ է, սակայն Հայաստանն ու Ադրբեջանը ամրապնդում են իրենց դիրքերը։
«Այսպիսով, երկու կողմերն էլ շարունակում են պատրաստվել ավելի վատ զարգացման, դա ակնհայտ է: Բայց մենք այս պահին լարվածություն չենք տեսնում, և սա ամսից ավելի է, ուստի մենք բավականին վստահ ենք, որ տարածաշրջանը լավ ուղու վրա է», - ասել է նա։