Ռուսաստանն ու Ուկրաինան պայմանավորվել են ռազմագերիների փոխանակման շուրջ
Աննա Անտոնյան Հունվար 11, 2023
Ռուսաստանն ու Ուկրաինան պայմանավորվել են 40 ռազմագերիների փոխանակման շուրջ։ Այս մասին հայտարարել է Ռուսաստանում մարդու իրավունքների հանձնակատար Տատյանա Մոսկալկովան։
Մոսկալկովայի եւ Ուկրաինայի օմբուդսմեն Դմիտրի Լաբինի հանդիպումը կայացել է հունվարի 11-ին Անկարայում՝ Օմբուդսմենների միջազգային համաժողովի շրջանակում:
Ավելի վաղ Ռուսաստանի օմբուդսմենը հայտնել է, որ ուկրաինացի գործընկերոջ հետ քննարկել է երկու երկրների քաղաքացիներին հումանիտար օգնություն ցուցաբերելու հարցերը:
Բացի այդ, Ուկրաինայի, Ռուսաստանի եւ Թուրքիայի օմբուդսմենները պայմանավորվել են հանդիպել՝ քննարկելու Մոսկվայի եւ Կիեւի միջեւ հումանիտար միջանցքի բացումը։ Անկարան մտադիր է միջնորդ դառնալ եւ օգնություն ցուցաբերել ռազմական գործողություններից տուժած կանանց, երեխաներին եւ վիրավորներին։