Ռուբիոն հույս ունի, որ այսօր Հայաստանի եւ Ադրբեջանի միջեւ «խաղաղության պայմանագրի սկիզբը» կդրվի

Աննա Անտոնյան Օգոստոս 08, 2025

ԱՄՆ պետքարտուղար Մարկո Ռուբիոն հույս ունի, որ Հայաստանի եւ Ադրբեջանի միջեւ այսօր ստորագրվելիք համաձայնագիրը «խաղաղության պայմանագրի սկիզբը» կդառնա։

Նա շեշտել է Թրամփի վարչակազմի հանձնառությունը համաշխարհային խաղաղության ջանքերին՝ հիշեցնելով Վաշինգտոնի միջնորդական դերը Հնդկաստանի և Պակիստանի, Կամբոջայի և Թաիլանդի, իսկ վերջերս նաև Կոնգոյի Դեմոկրատական Հանրապետության և Ռուանդայի միջև։

ԱՄՆ նախագահ Դոնալդ Թրամփն այսօր ընդունելու է նախ Հայաստանի վարչապետ Նիկոլ Փաշինյանին, ապա Ադրբեջանի նախագահ Իլհամ Ալիեւին։

Հայաստանի եւ Ադրբեջանի միջեւ խաղաղության համաձայնագրի նախաստորագրումը նախատեսված է Երեւանի ժամանակով կեսգիշերից հետո ԱՄՆ-ի, Հայաստանի եւ Ադրբեջանի ղեկավարների մասնակցությամբ։

Կիսվել