ՌԴ, Թուրքիայի, Սիրիայի եւ Իրանի ներկայացուցիչները բանակցում են Աստանայում
Աննա Անտոնյան Հունիս 20, 2023
Ռուսաստանի, Թուրքիայի, Սիրիայի եւ Իրանի արտաքին գործերի փոխնախարարների քառօրյա նիստը Անկարայի եւ Դամասկոսի միջեւ հարաբերությունների կարգավորման վերաբերյալ ընթանում է Աստանայում, տեղեկացրել է «ՌԻԱ Նովոստի»-ն։
Ռուսաստանից բանակցություններին մասնակցում է ԱԳ փոխնախարար Միխայիլ Բոգդանովը, Թուրքիայից՝ ԱԳ փոխնախարար Բուրաք Աչքափարը, Սիրիայից՝ փոխարտգործնախարար Այման Սուսանը, Իրանից՝ արտաքին գործերի նախարարի օգնական Ալի Ասղար Հաջին։
Սա այս ձեւաչափով երկրորդ միջոցառումն է, նախորդ անգամ փոխարտգործնախարարները հանդիպել էին մայիսի սկզբին Մոսկվայում, չորս երկրների ԱԳ ղեկավարների հանդիպումը կազմակերպելու համար, որը տեղի ունեցավ մայիսի 10-ին Ռուսաստանի մայրաքաղաքում։
Դրա արդյունքներով՝ նախարարները կարգադրել են սկսել Դամասկոսի եւ Անկարայի միջեւ հարաբերությունների կարգավորման ճանապարհային քարտեզի նախագծի պատրաստումը։