Սահմանազատումը դիրքերում այնպես է, որ մենք ստիպված ենք կանգնել ադրբեջանցիների հետ մի քանի մետր հեռավորության վրա: Այս մասին Tert.am-ի հետ զրույցում ասաց Սյունիքի մարզի Տեղ համայնքի ղեկավար Ներսես Շադունցը՝ անդրադառնալով մամուլում շրջանառվող լուսանկարին, որտեղ Հայաստանի և Ադրբեջանի դիրքերը գտնվում են մեկ մետր հեռավորության վրա:
«Տվյալ լուսանկարն արված է Տեղ համայնքում, իսկապես մոտ 10 մետր հեռավորության վրա դիրքերը տեղակայված են: Պետք է շեշտեմ, որ այսպիսի դիրքերը մի քանի հատ են, բայց տեղանքը չեմ կարող նշել»,- ասաց Շադունցը:
Նա նաև տեղեկացրեց, եթե ադրբեջանցիները դիրքից հետ քաշվեն, մեր կողմը նույնպես հետ կգնա:
«Դիրքերի սահմանազատումը այպիսին է, դիրքի ամեն կողմում որոշակի հեռավորության վրա կանգնած ենք, եթե իրենց կողմը հետ չի քաշվում, ապա մենք ինչու պետք է հետ գնանք այդ տարածքից»,- տեղեկացրեց համայնքի ղեկավարը: