Մատվիենկոն պաշտոնական այցով Բաքվում է

Աննա Անտոնյան Մարտ 17, 2025

Ռուսաստանի Դաշնային ժողովի Դաշնության խորհրդի նախագահ Վալենտինա Մատվիենկոն պաշտոնական այցով կիրակի օրը ժամանել է Ադրբեջան։

Այսօր նրան ընդունել է Ադրբեջանի նախագահ Իլհամ Ալիևը։ Հանդիպումից մանրամասներ դեռ չեն հաղորդվում։

Նախօրեին Մատվիենկոն հանդիպել է Ադրբեջանի փոխնախագահ Մեհրիբան Ալիևայի հետ, քննարկել երկկողմ հարցերի լայն շրջանակ, այդ թվում՝ մշակութային և հումանիտար համագործակցությունը։

Նրանք ընդգծել են միջխորհրդարանական հարաբերությունների և խորհրդարանական պատվիրակությունների փոխայցելությունների կարևորությունը՝ երկրների միջև բարեկամական հարաբերությունների ամրապնդման գործում։ Կողմերը նաև նշել են, թե Բաքվի և Մոսկվայի հարաբերությունները կրում են ռազմավարական դաշնակցային բնույթ։

Մատվիենկոն, նախնական պայմանավորվածությամբ, հունիսի 5-ից 6-ը կժամանի Երևան։

Մատվիենկոն կայցելի Երևան՝ «ռուս-հայկական միջպետական հարաբերություններին նոր լիցք հաղորդելու համար»։

Կիսվել