Իրանի գերագույն առաջնորդը հրահանգել է ուղիղ հարձակում իրականացնել Իսրայելի վրա. The New York Times

Աննա Անտոնյան Օգոստոս 01, 2024

Իրանի գերագույն առաջնորդ այաթոլլա Ալի Խամենեին հրամայել է ուղիղ հարված հասցնել Իսրայելին՝ ի պատասխան Թեհրանում ՀԱՄԱՍ-ի քաղաքական առաջնորդ Իսմայիլ Հանիեի սպանությանը, գրում է The New York Times-ը՝ վկայակոչելով հրամանի մասին տեղեկացված իրանցի երեք պաշտոնյաների։

Իրանցի զինվորականները դիտարկում են Թել Ավիվի և Հայֆայի տարածքում ռազմական օբյեկտների վրա համատեղ անօդաչու թռչող սարքի և հրթիռային հարձակման հնարավորությունը, սակայն կփորձեն խուսափել քաղաքացիական օբյեկտների թիրախավորումից, հայտարարել են Իրանի պաշտոնյաները:

Նրանք ասում են, որ դիտարկվող տարբերակներից մեկը համակարգված հարձակումն է Իրանից և այլ ճակատներից, որտեղ նա ունի դաշնակից ուժեր, ներառյալ Եմենը, Սիրիան և Իրաքը, առավելագույն արդյունքի հասնելու համար:

Խամենեին հանձնարարել է Իսլամական հեղափոխության պահապանների կորպուսի և բանակի ռազմական հրամանատարներին նախապատրաստել պլաններ ինչպես հարձակման, այնպես էլ պաշտպանության համար, եթե պատերազմn ընդլայնվի, և Իսրայելը կամ Միացյալ Նահանգները հարվածեն Իրանին, ասել են պաշտոնյաները:

Կիսվել