Իրանի արտգործնախարարը ժամանել է Մոսկվա
Աննա Անտոնյան Հունիս 23, 2025
Իրանի արտգործնախարար Աբբաս Արաղչին ժամանել է ՌԴ՝ ԱՄՆ-ի ու Իսրայելի հասցրած հարվածների հետևանքով Մերձավոր Արևելքում ստեղծված իրավիճակի շուրջ բանակցությունների նպատակով, հայտնում է իրանական IRNA գործակալությունը:
«Աբբաս Արաղչին ժամանել է Մոսկվա՝ ՌԴ նախագահի և Ռուսաստանի այլ բարձրաստիճան պաշտոնյաների հետ բանակցություններ վարելու համար»,- ասվում է գործակալության հաղորդագրության մեջ։
Նշվում է, որ բանակցությունների ընթացքում կքննարկվեն Մերձավոր Արևելքում և աշխարհում տիրող իրավիճակը:
Ավելի վաղ Արաղչին հայտարարել էր, որ հունիսի 23-ին բանակցություններ է նախատեսում վարել Ռուսաստանի նախագահ Վլադիմիր Պուտինի հետ։