Հայաստանում ՌԴ ռազմակայանի ավիացիոն զորամասի զինծառայողները մասնակցել են ՌԴ ռազմաօդային ուժերի օրվան նվիրված հանդիսավոր միջոցառումներին։
Էրեբունի ավիաբազայի տարածքում հրամանատարության ներկայացուցիչները շնորհավորել են անձնակազմի մասնագիտական տոնը, աչքի ընկած զինծառայողներին պատվոգրեր ու շնորհակալագրեր են հանձնվել։ Տեղեկությունը հայտնում է ՌԴ ՊՆ մամուլի ծառայությունը։
Հավաքի ընթացքում ներկայացվել է ռազմակայանի օդաչուների պատրաստության բարձր մակարդակը, բացի այդ, հրամանատարությունը շնորհավորել է ինժեներա-տեխնիկական անձնակազմին ուսումնական թռիչքների նախապատրաստման խնդիրների հուսալի կատարման համար։
Հանդիսավոր արարողությունից հետո ուղղաթիռների և ինքնաթիռների անձնակազմերը «Յունարմիա» համառուսաստանյան ռազմահայրենասիրական շարժման բաժանմունքի մասնակիցների համար արիության բաց դաս են անցկացրել, որի ընթացքում ՀՌՕ զինծառայողները տղաներին պատմել են` ինչից է սկսվել ՌԴ ռազմական ավիացիայի փառահեղ պատմությունը, Խորհրդային Միության հերոսների մասին, ինչպես նաև էքսկուրսիա անցկացրել մարտական մեքենաների կայանատեղիներում։