ՀՀ–ն պատրաստ է օգնել Սիրիային. Վահան Կոստանյանը և Ասադ Ալ-Շայբանին հանդիպել են Դամասկոսում
Աննա Անտոնյան Հունվար 27, 2025
Հայաստանը պատրաստ է Սիրիային աջակցել հումանիտար ոլորտում։ Դամասկոսում Սիրիայի արտգործնախարար Ասադ Ալ-Շայբանիի հետ հանդիպման ժամանակ ասել է ՀՀ փոխարտգործնախարար Վահան Կոստանյանը:
«Կոստանյանը հաստատել է հայկական կողմի պատրաստակամությունը՝ աջակցելու հումանիտար և բարեփոխումների իրականացման ոլորտներում, ինչպես նաև Սիրիայում առաջնահերթություն համարվող տարատեսակ այլ ծրագրերին»,– ասված է ԱԳՆ–ի կայքում հրապարակված հաղորդագրությունում:
Զրուցակիցները մտքեր են փոխանակել տարածաշրջանային զարգացումների վերաբերյալ՝ ընդգծելով հարևանների հետ հարաբերությունների կարգավորման կարևորությունը:
Սիրիական կողմը բարձր է գնահատել ՀՀ պատվիրակության այցը Դամասկոս: Պայմանավորվածություն է ձեռք բերվել շարունակել շփումները: