Հայաստանը վերածեցին մեռած դիակի` խլվրտում են դիակի շուրջ, ու չեն կշտացել, ուզում են վերարտադրվել, որ դիակը լափեն. Արթուր Հայրապետյան
Աննա Անտոնյան Ապրիլ 30, 2021
Երբ կորցնում ես վաղվա մասին քո պատկերացումները, անգամ հույսն է դառնում բեռ, դրանից ավելի սարսափելի բան չկա, քան բանականությունը, որ թույլ չպետք է տա, որ հուսալիությունը հաղթի։ Մինչդեռ ինքդ քեզ չես կարող խաբել։ Ցավը, եթե քոնը չէ, չի ցավա հոգիդ, մինչդեռ մեր ցավը համընդհանուր ցավ է, որ գնալով ավելի է սաստկանում, ու ճար չկա, որ փրկվես։
Մինչեւ քաղաքական դաշտը գզվռտոցների միջոցով խորհրդարանական արտահերթ ընտրությունների են պատրաստվում, իսկ երկրի գլխին ծանրացած խնդիրները մնում է այսօրեական, ու չկա մեկը, որին հասարակությունը իր վստահության քվեն կտա, ու կսպասի վաղվա հաղթանակին։ Հուսալիության ու հիասթափության մեջ չես կարող ճիշտ ընտրություն կատարել, ինչքան էլ, որ ընտրությունը հետեւանք կթողնի։
Այսօրվա իրավիճակը չի կարող մտահոգություն չառաջացնել, երբ գնալով իրավիճակը դառնում է ավելի քաոտիկ, սակայն մենք հուսով ենք, որ ի վերջո առողջ բանականությունը կհաղթի։
Բայց քանի դեռ մենք գտնվում ենք խոր դեպրեսիայի մեջ, մենք ոչ կարող ենք ընտրել, ոչ էլ կարող ենք դուրս գալ այս ծանր իրավիճակից։ Հայաստանը վերածեցին մեռած դիակի` խլվրտում են դիակի շուրջ, հետն էլ չեն կշտացել, շարունակում են վերարտադրվել, որպեսզի դիակը լափեն։
Մինչեւ մեր գլխին կախված չարիքից չազատագրվենք, ոչ մի հույս չկա, որ վաղը լավ կլինի։
Արթուր Հայրապետյան