Երևանում կայացել է հայ-ռուսական գործարար համաժողով, որին մասնակցել է նաև ՀՀ էկոնոմիկայի նախարարի տեղակալ Նարեկ Տերյանը
Աննա Անտոնյան
Փետրվար 24, 2022
Երևանում կայացել է հայ-ռուսական գործարար համաժողով, որին մասնակցել է նաև ՀՀ էկոնոմիկայի նախարարի տեղակալ Նարեկ Տերյանը։
«Անհրաժեշտ է ակտիվացնել արդյունաբերական կոոպերացիան և համատեղ կորպորացիաների և արտադրությունների զարգացումը, իրականացնել համատեղ նորարարական նախագծեր, որոնք թույլ կտան լինել առավել մրցունակ։ Անհրաժեշտ է նաև կառուցել կազմակերպչական-լոգիստիկ շղթաներ, ստեղծել արտահանմանն աջակցող կենտրոններ փոքր և միջին բիզնեսին օժանդակելու նպատակով», - նշել է նախարարի տեղակալը։
Համաժողովին հաջորդել են հայ և ռուս գործարարների B2B հանդիպումները, որոնք անց են կացվել 3 թեմաներով՝
Էներգետիկա, ենթակառուցվածքների զարգացում,
Կոմունալ և գյուղտեխնիկա, հասարակական տրանսպորտ,
Բարձր տեխնոլոգիաներ և ՏՏ ոլորտ։
Կիսվել