Գերիների հարազատները դադարեցրեցին նստացույցը. Կառավարությունից խոստացել են հանդիպում կազմակերպել
Աննա Անտոնյան Օգոստոս 09, 2022
Շիրակցի գերիների հարազատները քիչ առաջ պայմանավորվածություն են ձեռք բերել վարչապետի աշխատակազմի ներկայացուցչի հետ, որ նստացույցը դադարեցնեն։
«Կառավարությունից մեզ խոստացան վաղը զանգահարել եւ տեղեկացնել հանիդպման օրվա եւ ժամի մասին։ Այս պահին մենք վերադառնում ենք Շիրակի մարզ»,–զրույցում ասաց գերիներից մեկի հարազատը։
Հիշեցնենք, որ շիրակցի գերիների հարազատները երեկ առավոտից նստացույց էին սկսել եւ հանդիպում էին պահանջում վարչապետ Նիկոլ Փաշինյանի հետ։ Երեկ վարչապետի աշխատակազմից լսել էին նրանց պահանջը, սակայն ամբողջ օրվա ընթացքում նրանց չէին տեղեկացրել հանդիպումը կկայանա՞, թե՝ ոչ։
Գերիների հարազատները շարունակել էին իրենց նստացույցը եւ գիշերել Կառավարության շենքի դիմաց։ Առավոտյան արդեն գերիների հարազատներին վարչապետի աշխատակազմից խոստացել են հանդիպում կազմակերպել եւ նրանք դադարեցրել են նստացույցը։