Էկոնոմիկայի նախարարությունում կայացել է հանդիպում գործարարների հետ
Աննա Անտոնյան Հունվար 24, 2022
Էկոնոմիկայի նախարարությունում կայացել է հանդիպում գործարարների հետ՝ Հայաստանի տեքստիլ արդյունաբերության աջակցման ծրագրի, տեքստիլ արտադրանքի հավելյալ արժեքը բարձրացնելու և ավելի մրցունակ դարձնելու ուղիները քննարկելու նպատակով։
Ծրագրի նպատակն է մշակել առաջարկություններ ոլորտի մրցունակությունը բարձրացնելու համար՝ հաշվի առնելով առկա խնդիրները և տվյալ ապրանքային կատեգորիայի համար GSP+ ռեժիմի դադարեցման հանգամանքը։
Առաջիկայում կիրականացվեն առանձին այցեր տեքստիլ արդյունաբերությամբ զբաղվող ընկերություններ՝ յուրաքանչյուրի ներուժին տեղում ծանոթանալու եւ խնդիրները քննարկելու նպատակով։
Ծրագիրն իրականացվում է Միացյալ Թագավորության կառավարության «Լավ կառավարման հիմնադրամի» ֆինանսավորմամբ, ՎԶԵԲ աջակցությամբ և Գործարարության աջակցման գրասենյակի համակարգմամբ: