Դե-յուրե Ղարաբաղում խոսքն իր տարածքում Ադրբեջանի գործողությունների մասին է. Պեսկով
Աննա Անտոնյան
Սեպտեմբեր 20, 2023
Դե-յուրե Ղարաբաղում խոսքն իր տարածքում Ադրբեջանի գործողությունների մասին է։ Այս մասին հայտարարել է Կրեմլի ներկայացուցիչ Դմիտրի Պեսկովը։
Մեկնաբանելով Հայաստանի Անվտանգության խորհրդի քարտուղար Արմեն Գրիգորյանի հայտարարությունը, որը Ռուսաստանին մեղադրել է Լեռնային Ղարաբաղին պաշտպանելու պարտավորությունները չկատարելու մեջ, նա նշել է.
«Մենք չենք ընդունում նման մեղադրանքները մեր հասցեին, հատկապես այն բանից հետո, երբ հայկական կողմը պաշտոնական որոշում է ընդունել Ղարաբաղը Ադրբեջանի կազմում ճանաչելու մասին։ Դե յուրե, խոսքը հիմա Ադրբեջանի Հանրապետության գործողությունների մասին է իր տարածքում։ Ուստի մեր հասցեին նման մեղադրանքները բացարձակապես անհիմն են։ Դրանք որեւէ բանի վրա հիմնված չեն »,- ասել է Պեսկովը։
Կիսվել