Բուրկինա Ֆասոյի իշխանությունները համընդհանուր զորահավաքի մասին են հայտարարել․ France-Presse
Աննա Անտոնյան
Ապրիլ 14, 2023
Բուրկինա Ֆասոյի իշխանությունները համընդհանուր զորահավաք են հայտարարել ջիհադիստների դեմ պայքարելու համար, հայտնում է Agence France-Presse-ը։
«Բուրկինա Ֆասոյի իշխանությունները հինգշաբթի հայտարարել են համընդհանուր զորահավաք՝ պետությանը բոլոր անհրաժեշտ միջոցները տրամադրելու համար ՝ ջիհադիստների մի շարք հարձակումների դեմ պայքարելու նպատակով», - ասվում է գործակալության հայտարարության մեջ:
Ինչպես նշում է գործակալությունը՝ վկայակոչելով կառավարության հայտարարությունը, նման որոշման նպատակը ահաբեկիչների դեմ կիրառվող «բոլոր գործողությունների համար իրավական հիմքի ստեղծումն է»։
Բուրկինա Ֆասոն, որը գտնվում է Աֆրիկայի Սահել շրջանում, փորձում է զսպել արմատական ջիհադիստների հարձակումը, որը շարունակվում է 2015 թվականից:
Կիսվել