Բորելը Իսրայելի և Պաղեստինի ԱԳ նախարարներին հրավիրել է ԵՄ հանդիպմանը
Աննա Անտոնյան Հոկտեմբեր 10, 2023
Իսրայելի արտգործնախարար Էլի Կոենը և նրա պաղեստինցի գործընկեր Ռիյադ ալ-Մալիքին հրավիրվել են ԵՄ արտգործնախարարների արտակարգ հանդիպմանը՝ քննարկելու Իսրայելի և տարածաշրջանի իրավիճակը, ասել է ԵՄ գլխավոր դիվանագետ Խոսեպ Բորելը։
«Ես Իսրայելի արտգործնախարարին հրավիրել եմ միանալու ԵՄ ԱԳ նախարարների հանդիպմանը, որը ես հրավիրում եմ այսօր կեսօրին։ Ես հրավիրել եմ նաև արտգործնախարար (Պաղեստինի ինքնավարություն) Մալիքիին ելույթ ունենալ հանդիպմանը և ներկայացնել պաղեստինյան տեսակետը»,- գրել է Բորելը իր X միկրոբլոգում։
ԵՄ նախարարները կհանդիպեն Մուսկատում (Օման), որտեղ արդեն նախատեսված է հանդիպում ԵՄ-ի և Պարսից ծոցի համագործակցության խորհրդի արտգործնախարարների միջև։