Բելառուսի եւ Իրանի նախագահները ստորագրել են համագործակցության ճանապարհային քարտեզը
Աննա Անտոնյան Մարտ 13, 2023
Բելառուսի եւ Իրանի նախագահներ Ալեքսանդր Լուկաշենկոն եւ Էբրահիմ Ռայիսին ստորագրել են երկու պետությունների համագործակցության ճանապարհային քարտեզը, երկուշաբթի տեղեկացրել է Բելառուսի նախագահի մամուլի ծառայությանը մոտ կանգնած «Пул первого» թելեգրամ-ալիքը։
«Ղեկավարները ստորագրել են համագործակցության ճանապարհային քարտեզը»,- նշվել է հաղորդագրությունում։
Լուկաշենկոն մարտի 12-13-ին պաշտոնական այցով գտնվում է Իրանում։ Երկուշաբթի տեղի են ունենում երկու պետությունների ղեկավարների բանակցությունները, սկզբում՝ նեղ ձեւաչափով, այնուհետեւ նրանց կմիանան պատվիրակությունները։