Այս պայմաններում չեզոք Ուկրաինայի գաղափարն այլեւս իմաստ չունի․ Հենրի Քիսինջեր
Աննա Անտոնյան Հունվար 18, 2023
Ռուսաստանին պետք է հնարավորություն տրվի՝ Ուկրաինայում ցանկացած խաղաղ համաձայնագրից հետո որեւէ մի օր վերադառնալ միջազգային համակարգ, եւ այս երկրի հետ երկխոսությունը պետք է շարունակվի։ Այս մասին ասել է ԱՄՆ նախկին պետքարտուղար Հենրի Քիսինջերը՝ ելույթ ունենալով Դավոսի Համաշխարհային տնտեսական ֆորումում՝ տեսակապի միջոցով։
«Սա կարող է անլուրջ թվալ այն երկրներին, որոնք սառը պատերազմի ժամանակաշրջանի մեծ մասում գտնվել են Ռուսաստանի ճնշման տակ», - ասել է Քիսինջերը՝ հավելելով, որ կարեւոր է խուսափել Ռուսաստանի եւ Արեւմուտքի միջեւ հակամարտությունների սրումից։
«Ռուսաստանի ոչնչացումը որպես սեփական քաղաքականություն վարելու ընդունակ պետության, իր տասնմեկ ժամային գոտիների հսկայական տարածքը ներքին հակամարտությունների եւ արտաքին միջամտության համար կբացի այն ժամանակ, երբ 15 հազար կամ ավելի միջուկային զենք ունի: Ահա թե ինչու եմ ես հավատում Ռուսաստանի հետ երկխոսությանը, քանի դեռ պատերազմը շարունակվում է, ռազմական գործողությունների դադարեցմանը եւ Եվրոպայի, Ամերիկայի եւ այս պահին Ռուսաստանի միջեւ շարունակական քննարկման գործընթացին… պատժամիջոցները եւ այլ տեսակի ճնշումները կշարունակվեն մինչեւ վերջնական կարգավորումը։ Կարծում եմ՝ սա պատերազմի սրումը կանխելու միջոց է», - ասել է նա։
«Մինչ այս պատերազմը ես դեմ էի ՆԱՏՕ-ին Ուկրաինայի անդամակցությանը, քանի որ վախենում էի, որ կսկսվի հենց այն գործընթացը, որը մենք հիմա տեսնում ենք», - ասել է Քիսինջերը․ «Այս պայմաններում չեզոք Ուկրաինայի գաղափարն այլեւս իմաստ չունի։ Կարծում եմ, որ Ուկրաինայի անդամակցությունը ՆԱՏՕ-ին արժանի արդյունք կլինի»: