Անհետ կորած շատ ընտանիքներ ու երեխաներ կան, մարդիկ իրար կորցրել են ու չեն կարողանում գտնել. Մետաքսե Հակոբյան

Աննա Անտոնյան Սեպտեմբեր 21, 2023

Արցախի տարբեր գյուղերից հազարավոր մարդիկ հիմա Ստեփանակերտում են, գիշերն անցկացրել են նկուղներում ու ավտոմեքենաների մեջ: Այս մասին զրույցում պատմեց ԱՀ ԱԺ պատգամավոր Մետաքսե Հակոբյանը:

«Հոսանք չկա, ջուր չկա, որովհետև շատ վայրերում հոսանքով է պայմանավորված ջրի մատակարարումը: Հիմա մասնակի վերականգնվել է ջրի մատակարարումը: Սնունդ չկա, բայց այդ ամենը այնքան կարևոր չէ բնակիչների համար, որովհետև հիմա մարդիկ չեն կարողանում հավատալ, որ Արցախն այլևս չկա: Ահագին անհետ կորած ընտանիքներ կան, երեխեք կան, մարդիկ իրար կորցրել են ու չեն կարողանում գտնել»,- պատմեց Մետաքսե Հակոբյանը:

Պատգամավորն ասաց, որ մարդիկ կամ դրսում, կամ բնակելի շենքերի պատշգամբներում խարույկ են վառում և կերակուր պատրաստում:

Կիսվել