ԱՄՆ զինված ուժերը կստանան հեռահար հիպերձայնային զենք
Աննա Անտոնյան Փետրվար 27, 2025
ԱՄՆ զինված ուժերը մինչև 2025 ֆինանսական տարվա վերջը կստանան հեռահար հիպերձայնային զենք։
Խոսքը վերաբերում է ցամաքային բազավորման հիպերձայնային հրթիռներին, որոնք պետք է համալրեն 17-րդ հրետանային բրիգադի սպառազինությունը։ Զենքը պետք է տեղակայվեր դեռ մինչև 2023 թվականի աշունը, սակայն դա տեղի չի ունեցել փորձարկումների ժամանակ հայտնաբերված խնդիրների պատճառով։
2024 թվականի դեկտեմբերին Պենտագոնն, ի վերջո, հայտնել էր ԱՄՆ Տիեզերական ուժերի ռազմակայանից ոչ միջուկային հիպերձայնային հրթիռի հաջող թեստային արձակման մասին:
ԱՄՆ-ն մրցավազքի մեջ է մտել ինչպես հիպերձայնային հրթիռների արտադրության, այնպես էլ նման հրթիռներից պաշտպանող համակարգեր ստեղծելու հարցում. Չինաստանը և Ռուսաստանն ակտիվորեն մշակում և փորձարկում են հիպերձայնային զենքեր։