ԱՄՆ Ներկայացուցիչների պալատը քվեարկել է հարձակողական զենքի արգելման օգտին

Աննա Անտոնյան Հուլիս 30, 2022

ԱՄՆ Ներկայացուցիչների պալատը քվեարկել է հարձակողական զենքի արգելման օգտին, հաղորդում է ABC News-ը:

Օրենքին կողմ է քվեարկել 217 խորհրդարանական, դեմ՝ 213-ը։

Ներկայացուցիչների պալատի խոսնակ Նենսի Փելոսին ասել է, որ արգելքը «կրիտիկական քայլ է հրազենային բռնության մահացու համավարակի դեմ շարունակական պայքարում»: ԱՄՆ նախագահ Ջո Բայդենը հայտարարություն է տարածել Ներկայացուցիչների պալատի կողմից հարձակողական զենքի արգելքի ընդունման վերաբերյալ եւ հորդորել Սենատին արագ գործել։

«Ամերիկացիների մեծ մասը համաձայն է այս հիմնավոր չափման հետ: Սենատը պետք է արագ գործի այս օրինագիծն իմ սեղանին դնելու համար, եւ ես չեմ դադարի պայքարել, քանի դեռ դա տեղի չի ունեցել»,-ասվում է Բայդենի հայտարարության մեջ:  

Կիսվել