Ադրբեջանի ԱԳՆ-ն Հայաստանին հրավիրել է հանդիպում անցկացնել պետական սահմանին
Աննա Անտոնյան Նոյեմբեր 21, 2023
Ադրբեջանի ԱԳՆ-ն Հայաստանին հրավիրել է խորհրդակցություն պետական սահմանին, որտեղ քննարկվելու է խաղաղ գործընթացը։ Այս մասին, ըստ ադրբեջանական լրատվամիջոցների, ասված է Ադրբեջանի ԱԳՆ հայտարարության մեջ։
«Երկու երկրներն էլ պատասխանատու են խաղաղ գործընթացի շարունակման համար, ներառյալ փոխադարձ ընդունելի վայր ընտրելը կամ պետական սահմանին հանդիպում անցկացնելու որոշումը: Մենք կոչ ենք անում հայկական կողմին թույլ չտալ հետագա անհարկի ձգձգումներ և հուսով ենք, որ նրանք դրական կարձագանքեն այս կոչին՝ հնարավորինս արագ բանակցությունները սկսելու համար»,- ընդգծվում է ուղերձում։
«Ադրբեջանը պատրաստ է ուղիղ բանակցությունների Հայաստանի հետ երկկողմ հիմքի վրա՝ խաղաղության պայմանագրի շուտափույթ ավարտի համար։ Մենք կարծում ենք, որ երկու երկրները պետք է համատեղ որոշում կայացնեն իրենց հետագա հարաբերությունների վերաբերյալ»,- ասված է հայտարարության մեջ։