2024 թվականին BRICS-ում կներառվեն վեց նոր երկրներ
Աննա Անտոնյան
Օգոստոս 24, 2023
2024 թվականին BRICS-ում կներառվեն վեց նոր երկրներ՝ Արգենտինա, Եգիպտոս, Իրան, ԱՄԷ, Սաուդյան Արաբիա եւ Եթովպիա։ Այդ երկրները կմտնեն BRICS-ի կազմում 2024 թվականի հունվարի 1-ից: Այս մասին հայտարարել է ՀԱՀ նախագահ Սիրիլ Ռամաֆոսան։
«Մենք որոշել ենք հրավիրել Արգենտինայի Հանրապետությանը, Եգիպտոսի Արաբական Հանրապետությանը, Եթովպիայի Դաշնային Ժողովրդավարական Հանրապետությանը, Իրանի Իսլամական Հանրապետությանը, Սաուդյան Արաբիայի Թագավորությանը եւ Արաբական Միացյալ Էմիրություններին՝ դառնալու BRICS-ի լիիրավ անդամ։ Անդամակցությունը ուժի մեջ է մտնում 2024 թվականի հունվարի 1-ից»,-ասել է Ռամաֆոսան։
BRICS-ը չի սահմանափակվի ընդլայնման միայն մեկ փուլով, հայտարարել է Ռամաֆոսան:
Նա նշել է, որ BRICS-ը հավասար երկրների գործընկերություն է, որոնք ունեն տարբեր տեսակետներ, բայց ավելի լավ աշխարհ ստեղծելու միասնական տեսլական։
Կիսվել