Սև ծովի փակ տարածքում ռուսական նավեր են նկատվել
Աննա Անտոնյան Մարտ 28, 2022
Սև ծովի փակ տարածքում ռուսական նավեր են նկատվել, այսօր կեսօրին հայտնել են Ուկրաինայի զինված ուժերի գլխավոր շտաբից։
Գլխավոր շտաբի կարծիքով՝ Ռուսաստանն այդպիսով կարող է նոր հրթիռային հարվածներ պատրաստել Ուկրաինայի տարածքում։
«Ռուսաստանի Դաշնության Սևծովյան նավատորմի նավային կառուցվածքը առաջադրանքներ է կատարում Սև ծովի և Ազովի օպերատիվ գոտիների որոշակի հատվածներում։ Որոշ նավեր մտել են փակ տարածք՝ հավանաբար Ուկրաինայի տարածքում թիրախներին հրթիռային հարվածներ հասցնելու նպատակով», - ասված է Գլխավոր շտաբի հայտարարության մեջ։