12 զինծառայող տեղափոխվել է հոսպիտալ
Աննա Անտոնյան Հունիս 02, 2021
Մեր տեղեկություններով՝ այսօր առավոտյան հերթական միջադեպն է տեղի ունեցել հայ և ադրբեջանցի զինծառայողների միջև։ Գեղարքունիքի մարզի Վարդենիսի սահամանում տեղի ունեցած ծեծկռտուքի հետևանքով հայկական կողմից 12 զինծառայող տարբեր աստիճանի մարմնական վնասվածքներով տեղափոխվել է հոսպիտալ։
Մեր թղթակցի հետ զրույցում Վարդենիս համայնքի ղեկավար Արամ Մելքոնյանը նշեց. " Զինծառայողները կոտրվածքներ են ստացել, սակայն որևէ մեկի կյանքին վտանգ չի սպառնում"։
Հիշեցնենք, որ մինչև այս պահը իրավիճակի մասին ոչ մի տեղեկություն չի հայտնել Պաշտպանության նախարարությունը։