Անկախ է նա, ով խիզախ է... Արտյոմ Վարդանյան
Աննա Անտոնյան
Ապրիլ 03, 2022
Հայաստանի անկախության ուղին: Անկախ է նա, ով խիզախ է...
Հայ ժողովուրդը իր բազմադարյան պատմության ընթացքում բազմիցս կորցրել ու վերականգնել է իր պետականությունը: Այդպես եղավ 20-րդ դարավերջին, երբ ստեղծվեց Հայաստանի Երրորդ Հանրապետությունը:
Խորհրդարանը, Հայաստանի անկախության մասին հռչակագրի դրույթներից ելնելով, որոշեց 1991թ. սեպտեմբերի 21-ին հանրապետության տարածքում անցկացնել հանրաքվե՝ ԽՍՀՄ-ի կազմից դուրս գալու և անկախանալու նպատակով։ Հանրապետության բնակչության ճնշող մեծամասնությունը՝ 2 մլն 43 հազար մարդ (կամ քվեարկության իրավունք ունեցողների 94,39 տոկոսը), այո ասաց անկախությանը։ Հանրաքվեի արդյունքների հիման վրա 1991թ. սեպտեմբերի 23-ին հանրապետության Գերագույն խորհուրդը Հայաստանը հռչակեց անկախ պետություն։
Ազգային ոգով տոգորված ու ոտքի կանգնած հայ ժողովուրդը հռչակեց իր անկախ պետականությունը, որը ձեռք է բերվել արցախյան պատերազմով պայմանավորված սոցիալ –տնտեսական ծանր պայմաններում:
Անկախությունը բացարձակ արժեք է: Հայ ժողովուրդը իր խիզախության, աշխատասիրության ու հզոր, աննկուն կամքի շնորհիվ կարող է երկիրը տանել զարգացման ուղիով , որը կլինի մեր հարատևության գրավականը:
Գրում է Արտյոմ Վարդանյանն իր ֆեյսբուքյան էջում
Կիսվել