Վարդան Ղուկասյանին նոր մեղադրանք է առաջադրվել
Աննա Անտոնյան Նոյեմբեր 21, 2025
Գյումրու քաղաքապետ Վարդան Ղուկասյանին նոր մեղադրանք է առաջադրվել: Պատճառը օրերս դատական նիստերից մեկի ավարտից հետո արված արտահայտությունների համար:
Քննչական կոմիտեից հայտնում են, որ քրեական վարույթի նախաքննության ընթացքում երկու անձի նկատմամբ հարուցվել է հանրային քրեական հետապնդում՝ խուլիգանության հատկանիշներով: Խոսքը նաև Վարդան Ղուկասյանի որդու՝ Սպարտակ Ղուկասյանի մասին է: Նրա նկատմամբ ևս հանրային քրեական հետապնդում է հարուցվել նույն արարքի՝ դատարանում թույլ տրված արտահայտությունների համար: Նրան կալանավորելու միջնորդություն է ներկայացվել:
Նշենք, որ հոր՝ Վարդան Ղուկասյանի գործով վերջին նիստից հետո Սպարտակ Ղուկասյանը սեռական հայհոյանքներ է հնչեցրել, որն էլ արձանագրվել է։
Հիշեցնենք, Վարդան Ղուկասյանին մեղադրանք է առաջադրված կաշառքի գործով, իշխանությունների մասին հնչեցրած արտահայտությունների համար։ Դրա գումարվեց նաև երրորդ մեղադրանքը՝ օրերս Հակակոռուպցիոն դատարանում արված հայտարարությունների համար: