Վանաձորում պարեկները հատուկ պահպանվող տարածք են են տեղափոխել «Խիմզավոդսկի Վալոդիկի» մեքենան

Աննա Անտոնյան Օգոստոս 01, 2022

Երեկ՝ հուլիսի 31-ին, ՀՀ ոստիկանության Պարեկային ծառայության Լոռու գումարտակի պարեկները Վանաձորում օպերացիա են իրականացրել. հատուկ պահպանվող տարածք է տեղափոխվել Վանաձոր քաղաքի բնակիչ 38-ամյա Վլադիմիր Գալոյանի կողմից վարած Nissan Patrol մակնիշի 95 VQ 999 համարանիշի ավտոմեքենան։

Shamshyan.com-ի  հաղորդմամբ, Վ․ Գալոյանը 2 ամիս առաջ ոչ սթափ (խմած) վիճակում ավտոմեքենա վարելու համար զրկված է եղել ավտոմեքենա վարելու իրավունքից, իսկ երեկ, Վանաձոր քաղաքում Տիգրան Մեծի փողոցում ավտոմեքենա վարելու համար կանգնեցվել է պարեկների կողմից և տեղափոխվել հատուկ պահպանվող տարածք։

Կայքի տեղեկություններով՝ նա Վանաձորում հայտնի է «Կիրովականսկի Վալոդիկ» կամ «Խիմզավոդսկի Վալոդիկ» մականվամբ։

Փաստի առթիվ Հայաստանի քննչական կոմիտեի Լոռու մարզային քննչական վարչությունում, հնարավոր է՝ նախապատրաստված նյութերի հիման վրա քրեական վարույթ նախաձեռնվի։

Կիսվել