Վահագն Խաչատուրյանն ԱՄՆ-ում մասնակցել է Հայաստանի Անկախության օրվա առիթով ՄԱԿ-ում ՀՀ ներկայացուցչությունում կազմակերպված ընդունելությանը

Աննա Անտոնյան Սեպտեմբեր 22, 2025

Աշխատանքային այցով ԱՄՆ Նյու Յորք քաղաքում գտնվող ՀՀ նախագահ Վահագն Խաչատուրյանը սեպտեմբերի 21-ին մասնակցել է Հայաստանի Անկախության օրվա կապակցությամբ ՄԱԿ-ում ՀՀ ներկայացուցչությունում կազմակերպված ընդունելությանը։

ՀՀ նախագահականից հայտնում են, որ նախագահը շնորհավորել է ներկայացուցչության աշխատակազմին և հայկական պատվիրակությանն օրվա կապակցությամբ, մաղթել արդյունավետ աշխատանք ու հաջողություններ հանուն Հայաստանի զարգացման, բարեկեցության ու խաղաղության։

«Անկախության օրը պետության ամենակարևոր տոնն է, իսկ խաղաղության հաստատումը դիվանագիտության հաղթանակը, այս տոնական օրը մաղթում եմ առաջին հերթին մեր դիվանագետներին, ապա մեզ բոլորիս այդպիսի հաղթանակներ, մեր ժողովրդին խաղաղություն ու զարգացում»,- նշել է նախագահը։

Նա նաև շրջել է ներկայացուցչության շենքում, ծանոթացել ընդհանուր պայմաններին։

Կիսվել