Տորոնտոյի օդանավակայանում ոսկով բեռնարկղ են գողացել
Աննա Անտոնյան Ապրիլ 21, 2023
Տորոնտոյի օդանավակայանում անհայտ անձինք 20 միլիոն կանադական դոլար արժողությամբ (մոտ 15 միլիոն դոլար) ոսկով եւ այլ իրերով բեռնարկղ են գողացել, հայտնում է կանադական CBC հեռուստաալիքը՝ վկայակոչելով տեղական ոստիկանության տվյալները։
«Բեռնարկղը օդանավակայան է բերվել երկուշաբթի երեկոյան․․․Այն տեղավորել են օդանավակայանի պահեստում, որից հետո «ապօրինի միջոցներով գողացվել է», մեջբերում է հեռուստաալիքը Տորոնտոյի ոստիկանության ներկայացուցիչ Սթիվեն Դիեվեսթեյնի հայտարարությունը, որը նա արել է մամուլի ասուլիսի ժամանակ։
Տորոնտոյի օդանավակայանների վարչությունը հայտնել է, որ գողերը մուտք են գործել պահեստի բաց տարածքի կողմից, որը վարձակալում է երրրոդ կողմը եւ որ այդ հատվածը գտնվում է անվտանգության հիմնակա գծի սահմաններից դուրս։
«Գողերը մուտք չեն գործել բուն օդանավակայան, եւ դա վտանգ չի ներկայացրել ուղեւորների կամ օդանավակայանի աշխատակիցների համար», - նշում է գործակալությունը:
Հեռուստաալիքի տվյալներով՝ ոստիկանությունը շարունակում է միջադեպի հետաքննությունը։