Օգոստոսի 8-ի իրադարձությունից հետո ամեն օր մեր երկրի ներդրումային և տնտեսական ռեյտինգներն աճում են. վարչապետ

Աննա Անտոնյան Օգոստոս 21, 2025

Օգոստոսի 8-ի իրադարձությունից հետո ամեն օր, ամեն ժամ մեր երկրի ներդրումային և տնտեսական ռեյտինգներն աճում են, ես համոզված եմ, որ բոլորդ դա կտեսնեք մեր տնտեսության մեջ: Միանշանակ այդպես է:

Այս մասին Կառավարության նիստից հետո ճեպազրույցի ժամանակ ասել է ՀՀ վարչապետ Նիկոլ Փաշինյանը:

«Մայիս-հունիս-հուլիսին արդեն բոլոր ժամանակների համար պատմականորեն առավելագույն թվով զբոսաշրջիներ են եկել Հայաստան»,- նշել է նա:

Նիկոլ Փաշինյանը թվի աճը կապում է 2025 թվականի մարտին Հայաստանի և Ադրբեջանի միջև խաղաղության համաձայնագրի տեքստի վերջնական համաձայնեցման հետ:

«Ինձ համար գոնե ակնհայտ է, որ զբոսաշրջության թվի աճերը միանշանակ կապված են մարտի վերջին մեր և Ադրբեջանի կառավարության հայտարարության հետ, որ մենք խաղաղության համաձայնագրի նախագծի համաձայնեցված աշխատանքներն ավարտել ենք, և նախագիծը պատրաստ է ստորագրման: Հիմա տեղի ունեցավ նախաստորագրումը, մի բան, որ շատ-շատերը ՀՀ-ում համարում էին անհնար, ֆանտաստիկ», - հայտնել է նա:

Կիսվել