Նոր Պապի ընտրության կոնկլավը կմեկնարկի մայիսի 7-ին

Աննա Անտոնյան Ապրիլ 30, 2025

Կոնկլավը՝ կարդինալների հավաքը, որի ընթացքում տեղի կունենա Հռոմի նոր Պապի ընտրությունը, կմեկնարկի մայիսի 7-ին։ 

Կաթոլիկ եկեղեցու առաջնորդ ընտրությանը մասնակցելու իրավունք ունեն 80 տարեկանից ոչ բարձր 135 կարդինալներ՝ եկեղեցու ամենաբարձրաստիճան եպիսկոպոսները։

Ըստ ավանդույթի՝ կոնկլավը տեղի կունենա Վատիկանի Սիքստինյան կապելլայում, որն այսօրվանից փակ է զբոսաշրջիկների համար՝ հավաքի նախապատրաստման նպատակով։

Հռոմի 266-րդ Պապ Ֆրանցիսկոսը վախճանվեց ապրիլի 21-ին, 88 տարեկանում: Անցած շաբաթ օրը կայացավ Կաթոլիկ եկեղեցու քահանայապետի հուղարկավորությունը:

Կիսվել