Մենք պետք է վեր կանգնենք ցանկացած նեղանձնային խնդիրներից և կարողանանք մտածել ի շահ պետության և մեր երկրի
Աննա Անտոնյան
Հունիս 08, 2021
Հայաստանի հանրապետությունում նախընտրական քարոզարշավի մեկնարկը տրված է, և ներքաղաքական խմորումների, հակաբևեռ թևերի միջև հազար ու մի մեղադրանքների, հայհոյության, նույնիսկ՝ անեծքի պակաս չի զգացվում։ Ներկաները՝ նախկիններին, նախկինները՝ ներկաներին․․․
Շուրջբոլորը գզվրտոց, թուքումուր, անհարկի վիրավորանք և ոչ մի տեղաշարժ, ոչ մի լուծման առաջարկ։ Յուրաքանչյուրը դեպի իրեն է ձգում ճոպանը՝ ընտրողին ու քաղաքացուն դնելով ավելի բարդ կացության մեջ։
Ելքի, փրկության հիմնավոր բանաձև է պետք, ծրագիր, որ կմիավորի մեզ բոլորիս, որ անվտանգություն ու խաղաղություն կհաստատի մեր տարածաշրջանում, որ չի սասանի մեր ազատությունն ու ինքնիշխանությունը։
Մենք պետք է վեր կանգնենք ցանկացած նեղանձնային խնդիրներից և կարողանանք մտածել ի շահ պետության և մեր երկրի։ Միայն այդ ճանապարհով է հնարավոր փրկել մեր մի բուռ մնացած երկիրն ու չարչարյալ ժողովրդին։
Գրում է Արտյոմ Վարդանյանն իր ֆեյսբուքյան էջում
Կիսվել