Մակրոնի որոշումը. Միսաք Մանուշյանը կվերահուղարկավորվի Փարիզի Պանթեոնում
Աննա Անտոնյան Հունիս 23, 2023
Ֆրանսիայի ազգային հերոս Միսաք Մանուշյանը կվերահուղարկավորվի Փարիզի Պանթեոնում, այս մասին հայտնել է Ֆրանսիայի զինված ուժերի նախարար Սեբաստիան Լեկոռնուն։
«Ֆրանսիան և Հայաստանն ունեն ընդհանուր պատմություն և հինավուրց կապեր, ուստի պետք է պահպանել բարեկամությունը, ինչպես նաև հարաբերությունները՝ պաշտպանության ոլորտում», - Twitter-ում գրել է նա՝ հիշեցնելով, որ Ֆրանսիայում էր գտնվում ՀՀ պաշտպանության նախարար Սուրեն Պապիկյանը։
Ֆրանսիացի նախարարը նշել է, որ Ֆրանսիայի նախագահ Էմանուել Մակրոնի հրամանագրով՝ որոշվել է ֆրանսիական դիմադրության շարժման անվանի մարտիկ, Ֆրանսիայի ազգային հերոս Միսաք Մանուշյանին վերահուղարկավորել Փարիզի Պանթեոնում։