Լեւոն Արոնյանը 2024-ին ամենաշատ վաստակած շախմատիստների տասնյակում է
Աննա Անտոնյան Փետրվար 04, 2025
Հայաստանի հավաքականի նախկին առաջատար, ԱՄՆ-ի ներկայացուցիչ Լեւոն Արոնյանը 2024 թվականին ամենաշատ վաստակած շախմատիստների տասնյակում է։
ԱՄՆ-ի գավաթը նվաճելու, Grand Chess Tour-ում, Champions Chess Tour-ում հաջողությունների շնորհիվ Լեւոն Արոնյանը ստացել է 257 հազար դոլար մրցանակային գումար։
Առաջին տեղում է հնդիկ Գուկեշ Դոմարաջուն, որը հավակնորդների մրցաշարում եւ աշխարհի չեմպիոնական մրցամարտում հաղթելու շնորհիվ վաստակել է 1,5 միլիոն դոլար։
Երկրորդ տեղում է աշխարհի չեմպիոնական մրցամարտում Գուկեշին պարտված չինացի Դին Լիրենը՝ 1,1 միլիոն դոլար։
Համաշխարհային դասակարգման առաջատար, աշխարհի 16-րդ չեմպիոն, նորվեգացի Մագնուս Կարլսենը 771 հազար դոլարով երրորդն է։
- Գուկեշ Դոմարաջու՝ 1,568 միլիոն դոլար
- Դին Լիրեն՝ 1,183 միլիոն դոլար
- Մագնուս Կարլսեն՝ 771 հազար դոլար
- Ալիռեզա Ֆիրուջա՝ 665 հազար դոլար
- Ֆաբիանո Կարուանա՝ 612 հազար դոլար
- Յան Նեպոմնյաշչի՝ 306 հազար դոլար
- Ուեսլի Սո՝ 289 հազար դոլար
- Հիկարու Նակամուրա՝ 278 հազար դոլար
- Մաքսիմ Վաշիե-Լագրավ՝ 271 հազար դոլար
- Լեւոն Արոնյան՝ 257 հազար դոլար