Ամուսնալուծված կանայք հասարակության զոհ
Աննա Անտոնյան
Մայիս 09, 2023
Պատուհանից նայել ե՞ք...
21֊րդ դարի երկրորդ տասնամյակի երրորդ գարունն է ։
Ինչ խոսք հնչեղ է ,կյանքը վաղուց թվայնացվել է , քաղաքներում կանայք սկսել են սպասքը լվանալ մեքենայով , երեխայի խնամքի համար խնամակալ են վարձում ։
Քաղաքում ...
Բայց արի ու տես ,որ 21֊րդ դարում գյուղերում դեռ կան հարսներ, ովքեր անտրտունջ լվանում են սկեսրայրի ոտքերը , մեծերի ներկայությամբ իրենց երեխաներին չեն գուրգուրում , հացի նստում են վերջինը և էլի լիքը նման ավանդական քայլեր ։
Ու թող փորձվի 21֊րդ դարի հայ ավանդական գյուղի հարսը թեքվի ու տան մեծերին մի բառ դժգոհություն հայտնի , նախ հիշաչար մեծերը դա ամեն առիթին երեսով կտան և հետո գյուղում արդեն հարսը էլ հին բարի ու հեզը չի լինի ։
Գյուղը բամբասանք երկար է պահում ։
Ամուսինը ծեծում է . Ոչինչ ում մարդը չի ծեծել։
Հետ գնալ հոր տո՞ւն։
Բայց հայրը համաձայն է՞։
Հետ գնացած կանայք հասարակության զոհն են , Հետ գնացիր ,թե չէ պիտակը հետդ է ` անբարոյական։
Տղայի բարեկամներն անպայման կտարածեն, թե կարծո՞ւմ եք հենց այնպես էր ծեծում ։
Հո հիվանդ չի՞ ,հենց այնպես ծեծի ։
Հյուսված պատմությունները լեգենդ են դառնում ու ինչ֊որ պահի Լոռվա ձորերում արձագանքում է Թումանյանի Մարոն .
Ո՞վ քեզ ծեծեց Մարո ջան
Ո՞վ անիծեցեց Մարո ջան ....
Արձագանքում է ,ու հետն էլ հիշեցնում... անտարբեր հասարակությունն ու բարքերը ։
Ու եթե հանկարծ գլուխ արև վերցրած ու փախած կինը հանդգնի ու հաջողի կյանքում , նորից իր հեղինակավոր կարծիքով սուփռի գլխին կնստի հասարակության կարծիքը ` հաջողեց, որովհետև ինչ֊որ մեկի սիրուհին էր ։
Չկա ուրիշ տարբերակ, հասարակությունը իր զոհերին երբեք չի արդարացնում , սիրուհին է ու վերջ ...
Ու 21֊րդ դարում հաղթում են այն կանայք ,ովքեր չեն դառնում Հասարակության զոհերը ,որքան էլ հասարակությունը փորձի ձգել նրանց իր ճահիճը։
Նյութը` Ա. Մելքոնյանի
Կիսվել