Ինչո՞ւ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը չի ծառայել բանակում
Աննա Անտոնյան Օգոստոս 26, 2021
Ես լրագրող եմ։ Այն պահից սկսած, երբ սկսեցի ինտերվյուներ վերցնել, այլևս աշխատում եմ այս կամ այն քաղաքական ուժի կամ գործչի վերաբերյալ քաղաքական կարծիքներ չարտահայտել, հրապարակախոսական հոդվածներն իհարկե չհաշված։ Խնդիրը շատ պարզ է իմ մոտ հարցազրույցի եկող մարդիկ չպետք է կաշկանդված լինեն իմ աշխարհայացքով։
Բայց այնուամենայնիվ ԱԺ-ի երեկվա միջադեպը և դրան նախորդած բանավեճը ինձ ստիպում են հրապարակային հարցնել․ Ինչո՞ւ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը չի ծառայել բանակում։
Ի դեպ նա ժամանակին սովորել է ԵՊՀ պատմության ֆակուլտետում, Համաշխարհային պատմության ամբիոնում ասպիրանտ է եղել, բայց նախատեսված ժամկետում չի ավարտել ատենախոսությունը՝ կիսատ թողնելով ասպիրանտուրան։ Այստեղ երկրորդ հարցն է ի հայտ գալիս․ իսկ ինչո՞ւ գիտական աշխատանքը թողնելուց հետո նա չի զորակոչվել բանակ։ Այս պարագայում էլ կպատասխանեն, թե առողջության հետ կապված խնդիրներ է ունեցել, ինչի պատճառով ազատվել է զինծառայությունից։
Երրորդ հարցը․ այդ ի՞նչ հիվանդություն է, որը պարոն Կոնջորյանին խանգարում է ծառայել բանակում, բայց չի խանգարում զբաղվել ակտիվ քաղաքականությամբ։ Պառլամենտում աշխատող լրագրող իմ գործընկերներին խնդրում եմ հետևողական լինել այս հարցում և պարզել Կոնջորյանի բանակում չծառայելու պատճառները։
Գրում է Կարպիս Փաշոյանն իր ֆեյսբուքյան էջում