Նիկոլի կողմնակիցների հիմնական խոսույթը նախկինների թալանն ա, բայց ոչ մեկը դեռ չի խոսել թե պատերազմի հետևանքով քանի միլիարդ դոլարի զենք ենք կորցրել
Աննա Անտոնյան Հունիս 13, 2021
Նիկոլի կողմնակիցների հիմնական խոսույթը նախկինների թալանն ա, բայց ոչ մեկը դեռ չի խոսել թե պատերազմի հետևանքով քանի միլիարդ դոլարի զենք ենք կորցրել, պատերազմի ամեն մի օրը մեր բյուջեի վրա որքան է արժեցել, էն տարածքները որ կորցրել էինք որքան տնտեսական արժեք էին գոյացնում, որքան գումար պետք է գծոնք նոր սահմաններում ռազմական-ինժիներական աշխատանքների վրա, դիրքերի ու զորամասերի կառուցման վրա, էլ չեմ ասում 5000-ը գերազանցող ապագա հարկատուների մասին, որոնք կամ զոհվեցին կամ ծանր աստիճանի ցմահ հաշմանդամություն ձեռք բերեցին ու պետությունը պետք ա առանց այդ էլ աղքատ բյուջեի հաշվին էդ մարդկանց ընտանիքների համար սոցիալական երաշխիքներ ստեղծի, փակի առողջապահական և այլ ծախսերը։
Պետությունը պետք ա նաև սոցիալական երաշխիքներ տրամադրի մոտ 38000 տեղահանվածների համար, ապահովի նրանց բնակարաններով։
Իսկ թե երեք տարում ինչքան գումար ենք կորցրել, որքան կարող էինք որպես պետություն ունենալ ու չունեցանք սխալ վարված տնտեսական և արտաքին քաղաքականության հետևանքով, առանձին քննարկման թեմա է։
Կարեն Թովմասյան