Հունվարի 27-ը կնշվի որպես «Հանուն հայրենիքի զոհվածների հիշատակի և խոնարհումի օր». այն կլինի ոչ աշխատանքային
Աննա Անտոնյան Հոկտեմբեր 23, 2025
Կառավարությունը հոկտեմբերի 23-ի նիստում հավանություն է տվել «Հայաստանի Հանրապետության տոների և հիշատակի օրերի մասին» օրենքում լրացում կատարելու մասին» օրենքի փոփոխության նախագծին։
Այս նախագծով առաջարկվում է հունվարի 27–ը նշել որպես «Հանուն հայրենիքի զոհվածների հիշատակի և խոնարհումի օր» և այն համարել ոչ աշխատանքային։
Նախագծի համահեղինակներն են ԱԺ փոխնախագահ Ռուբեն Ռուբինյանն ու անկախ պատգամավոր Գեղամ Նազարյանը։ Նախագիծը կառավարության հաստատումից հետո կուղարկվի ԱԺ։