Հրդեհ է բռնկվել Նոր Խարբերդ գյուղի 1-ին փողոցում գտնվող խանութ սրահում, որի հետևանքով այրվել է պահեստը։ Տեղեկությունը հայտնում է ԱԻՆ մամուլի ծառայությունը։
Նշվում է, որ Արարատի մարզային ճգնաժամային կառավարման կենտրոն դեպքի մասին ահազանգը ստացվել է երեկ` ժամը 22։09-ին։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է 1-ին փողոցում գտնվող խանութ սրահի պահեստային հատվածում:
Հրդեհը մեկուսացվել է ժամը 22:50-ին, մարվել՝ 23:14-ին: Այրվել են խանութ սրահի պահեստային հատվածը (մոտ 22 քմ) և ներսում պահեստավորած ապրանքը: